Mipadayag sa iyang kabalaka si US President Donald Trump sa pagsuplay og Tomahawk missiles sa Ukraine.
Kini ang gipaambit sa presidente sa Estados Unidos human mibisita sa White House si Ukrainian President Volodymyr Zelensky kinsa nanghinaot sa dugang supotang military aron sa pakigbatok niini sa nagpadayong gyera batok sa Russia.
Apan si Trump mas pabor sa pagpasiugda og kasabutnag kalinaw kaysa sa padayong pagsuplay sa Ukraine og military nga kahimanan.
Ingon man wala gilimod ni Trump ang posibilidad sa paghatag sa Ukraine sa long-range Tomahawk missiles nga gikahinam ni Zelensky.
Human sa duha ka oras nga pakigpulong kang Zelensky kay mipahayag si Trump nga tapuson na ang gyera sa pinakadali nga panahon bisan paman nga musurrender og teritoryo ang Ukraine ngadto sa Russia.
Gikatakdang makigpulong sab si Trump kang Russian President Vladimir Putin sa umaabot nga semana ngadto sa Hungary aron hisgutan ang pagtapos sa gyera.
