US destroyer, nababagan ang 2 ka oil tanker nga misulay sa pagbiya sa Iran

Napugngan sa US destroyer ang duha ka oil tanker nga misulay sa pagbiya sa Iran, usa ka adlaw human gipatuman ang blockade sa US military.

Diin miresulta kini sa pagpugos sa mga oil tankers nga mobalik diin mibiya gikan sa pantalan sa Chabahar sa Gulf of Oman apan gi-radyo sila sa usa ka US warship.

Sumala sa usa ka opisyal sa US, ang duha ka tanker lakip sa unom ka barkong pangnegosyo nga giingon sa US Central Command nga mibalik sa usa ka pantalan sa Iran sa Gulf of Oman.

Dugang sa US military nga walay mga barko nga nakaagi sa blockade sukad kini gipatuman niadtong Lunes.

Giklaro usab kaniadto nga suportahan niini ang kagawasan sa pag-navigate sa mga barko nga moagi sa Strait of Hormuz, basta dili kini gikan o paingon sa Iran.