Mitaliwan ang dose-dosenang indibidwal human sa halapad nga pag-atake sa Israel sa habagatan ug sidlakang Lebanon.
Kini nahitabo human nanumpa si Israeli Prime Minister Benjamin Netanyahu nga pakusgon ang aksyong militar batok sa grupong Hezbollah.
Sumala sa Lebanon health ministry, 31 ka mga tawo ang namatay sa bag-ong hugna sa mga pag-atake, lakip ang pipila ka mga bata.
Samtang sumala sa Israeli military, kapin sa 100 ka mga lugar sa imprastraktura nga iya sa Hezbollah ug sa mga manggugubat niini ang naigo. Kini ang usa sa pinakabug-at nga pagpamomba sa Israel sukad nga ang usa ka ceasefire miepekto sa tunga-tunga sa Abril.
Sa usa ka security cabinet meeting niadtong Martes, si Netanyahu miingon nga ang Israel nagpalalom sa mga operasyon niini sa Lebanon ug nagpalig-on sa security zone aron mapanalipdan ang mga komunidad sa amihanang Israel gikan sa mga pag-atake sa Hezbollah.
