Gihimakak ni Tourism Secretary Christina Frasco ang mga pasangil nga gigamit niya ang mga kampanya sa turismo ug mga magazine covers alang sa iyang kaugalingong promosyon.
Sumala ni Frasco, ang iyang pagka-visibility isip DOT chief kay alang sa aktibong presensya sa mga proyekto, dili sa personal nga exposure.
Giklaro niini nga ang mga cover sa pipila ka magasin sa Pilipinas wala niya gitugutan ug wala gipondohan sa gobyerno; kini kabahin lang sa Philippine Experience Program nga nagpasiugda sa mga komunidad ug kultura sa nasud.
Dugang pa niini nga ang pagpakita sa iyang nawong sa website sa DOT ug social media tungod sa pagreport sa mga kalihokan sa ahensya, dili sa kaugalingong promosyon.
Nipasalig usab kini nga ang DOT naka-focus sa mandato, diin ang pagpalambo sa panginabuhian, pagpalig-on sa mga destinasyon, ug pagpalambo sa turismo alang sa minilyon nga mga Pilipino.
