Gipahibalo sa DOTr ang pagpasaka og mga kasong administratibo batok sa Aleson Shipping Lines, operator sa MV Trisha Kirsten 3, human sa pagkalunod niini duol sa Baluk-Baluk Island, Basilan niadtong Enero 26. Apil usab sa kaso ang mga tripulante sa ferry, kansang mga dokumento sa ID gisuspinde.
Samtang, unom ka personnel sa PCG ug walo gikan sa Zamboanga Marina ang gitangtang sa ilang mga pwesto.
Sumala ni DOTr Sec. Giovanni Lopez, ang pagkalunod sa barko posibleng tungod sa overloading, ug nadiskobrehan ang mga kalainan sa ihap sa mga pasahero ug mga kalapasan sa kaluwasan sa wala pa mobiya ang barko, apan gitugotan gihapon kini nga molawig.
Ang seaworthiness certificate gi-isyu sa usa ka third-party provider, ang Orient Shipping Lines, kansang ang accreditation kay gisuspinde usab.
Gimando ni Lopez ang koordinasyon sa posibleng mga reklamo sa kriminal batok sa mga opisyal ug tripulante sa kompanya.
Sa insidente, anaa sa 52 ka tawo ang namatay ug 316 ang naluwas.
