Nipasalig ang Department of Public Works and Highway (DPWH) nga aduna silay giandam nga flood control masterplan alang sa tanang 18 ka dagkong river basin sa tibuok nasod.
Kini human gikuwestiyon sa DPWH kon asa ang nasangpit nga master plan tungod sa pagbaha sa Metro Manila gumikan sa pagkagusbat sa Bagyong Carina ug Habagat.
Matud ni DPWH Sec. Manuel Bonoan nga ang Pasig-Marikina flood control management system kabahin sa master plan.
Ug kasamtangan na karong gi-update ang master plan arun mas himoong mas komprehensibo.
Gimanduan usab ni Presidente Bongbong Marcos ang DPWH nga ikonsiderar ang pagkolekta sa tubig nga gikan sa water shed areas.
Usa kini sa ilang nakita nga solusyon aron mapahinay ang pag-agos sa tubig baha ngadto sa ubos nga mga dapit.
