Negatibo sa paggamit sa ilegal nga drugas ug alkohol ang drayber sa Solid North Bus Transit Inc. bus, diin kahinomdoman, nabangga kini sa mga sakyanan sa Subic–Clark–Tarlac Expressway.
Kini nga insidente miresulta sa kamatayon sa labing menos 12 ka mga tawo, lakip ang upat ka mga bata, ug pagka-angol sa labing menos 37 ka mga indibidwal.
Matod sa Tarlac City Police Station, gipaubos sa alcohol breath analyzer test ug mandatory drug testing ang drayber sa maong bus.
Kini, subay sa pagsunod sa kasamtangang Anti-Drunk and Drugged Driving Act of 2013.
Sa usa ka pamahayag, gikompirmar sa hepe sa Tarlac City Police nga si Police Lieutenant Colonel Romel Santos, nga nag-negatibo sa duha ka test nga gipahighayon sa driver.
Kalabot niini, gisuspenso ang operasyon sa tanang unit sa Pangasinan Solid North Transit Inc. sulod sa 30 ka adlaw human sa dakongg trahedya nga nahitabo
Si Transportation Secretary Vince Dizon nipahibawo usab nga i-require na sa gobyerno ang tanang public utility vehicle drivers nga ipaubos sa mandatory drug testing tungod sa gidaghanon sa mga aksidente sa kadalanan nga natala sa nasod.(Bombo Irene Ardiente)
