Gipalig-on pa sa ahensya sa Department of Social Welfare and Development – Central Visayas (DSWD-7) ang programa niining “Tara, Basa!”.
Kun diin ang Regional Program Management Office sa DSWD-7 kay mipahigayon og Regional Training of Trainers (RToT) for Learning and Development of Tutors and Youth Development Workers (YDWs) nga gihinabo sa dakbayan sa Mandaue niadtong Marso 19 hangtod 21 ning kasamtangang tuig.
Ang mga malampusong ga magtutudlo kay gikan sa Department of Education (DepEd) sa mga partisipanteng state and local colleges or universities nga mitambong sa maong kalihokan.
Sa iyang pamahayag, gihimug-atan ni DSWD-7 Regional Director Shalaine Marie Lucero ang kalampusan sa ilang programa nga nagsandig sa kahanas sa mga magtutudlo nga madalit sa mga trainees.
Nagtumong ang RToT sa pag-establisar og pool of subject-matter experts nga nagsilbing resource person sa mga capability-building activities.
Nagtimaan ang maong kalihokan sa pagpalig-on sa Tara, Basa! Program nga usa ka inisyatiba nga nagsiguro sa mga kabataan nga makadawat og kalidad nga edukasyon pinaagi sa tukmang pamaagi sa pagtudlo.
