Plano sa Department of Trade and Industry nga ipatuman ang mas hugot nga pagmonitor sa presyo sa bugas nga anaa sa merkado.
Ang maong departamento gikataho nga hugtan pa ang pagmonitor sa maong mga produkto aron mapadayon ang programa sa gobyerno nga makabaton og barato nga bugas./
Ang kasamtangang kalihim sa Department of Trade and Industry, Secretary Maria Cristina Roque, nipaambit nga ilang gipasiugda ang pagpatuman sa gipakusog nga pagmonitor sa presyo sa mga nag-unang produkto.
Diin, gipasigarbo usab sa maong kalihim ang ilang halapad nga kapabilidad sa pagpatuman niini tungod kay, dugang pa niya, aduna silay mga regional ug provincial directors nga andam mokooperar sa plano sa departamento.
Gumikan niini, gipaniguro sa kalihim nga ila kining hatagan og prayoridad bisan pa nga matud niya nga ila nang gimonitor ang presyo sa nagkadaiyang produkto.
Gisiguro ni Secretary Cristina Roque ang pakig-alayon sa iyang departamento sa Department of Agriculture sa programa niini nga barato nga bugas alang sa publiko.
