Duha ka bata patay sa sunog sa Dakbayan sa Danao, ka bomberohan padayun pa nga gisuta ang hinungdan

Padayon nga gisuta sa Danao Fire Station ang hinungdan sa sunog nga nahitabo sa usa ka residential area sa Purok 4, Barangay Tuburan, dakbayan sa Danao.

Gibutyag ni Senior Fire Officer Ronald Telledua sa Danao City Fire Station, nga mikabat sa walo ka mga panimalay ang gikaon sa kayo diin anaa sa P212,500 ang danyos sa nagusbat nga mga propridad.

Sa pagkakarun, anaa temporaryo nga nahimutang sa Delfin Dawe Elementary School ang mga biktima sa maong sunog samtang nagpadayon ang tabang nga gidalit sa lokal nga kagamhanan sa dakbayan sa Danao.

Nasayran nga sa maong sunog, duha ka mga bata nga nag-edad ug 4-anyos ug 5-anyos ang patay human nga na-‘trapped’ sa second floor sa panimalay sa ilahang apohan diin gituohan nga nagsugod ang sunog.