CEBU CITY-Nasikop ang duha ka mga doctor sa managbuwag nga operasyon sa kapulisan sa Sugbo pinasikad sa warrant of arrest nga parehong giserved niadtong Mayo 17, 2024.
Kung diin, pasado alas 9:10 sa gabie gidakop ang usa ka 58 anyos nga lalaking doktor nga residente sa Lungsod sa Medellin probinsya sa Sugbo.
Samtang arestado usab ang usa ka 63 anyos nga babaye nga usa ka dentist nga residente sa Lungsod sa Minglanilla.
Parehong naaresto ang duha ka akusado sa barangay Guadalupe ning syudad sa Sugbo sa managbuwag nga oras.
Ang pagdakop sa duha ka doctor, subay sa kasong may kalapasan sa Terrorism Financing Prevention Suppression Act of 2012 nga adunay girekomendar nga piyansa nga nagkantidad og PhP200,000.00.
Kasamtangang gitanggong sa custodial facility sa Guadalupe Police Station 9 ang mga dinakpan alang sa sunod nga pagpresentar ngadto sa nag-isyu nga korte.(CCPO PIO)
