Duha ka lalake nanginhas lang, patay sa Umapad, Mandaue human nakidlatan

CEBU CITY – Patay ang duha ka indibidwal human maigo sa kilat sa Pajara, Brgy. Umapad ning dakbayan sa Mandaue mag alas 6:00 ang takna gabie sa adlaw nga martes

Giila sa kapulisan ang mga biktima nga silang Rey Kuyam, 28 anyos, usa ka lalake ug residente sa Brgy. Umapad, Mandaue City ug ang usa ka Erwin Hirasol, 38 anyos residente sa Brgy. Mantuyong syudad sa Mandaue.

Sa inisyal nga imbestigasyon sa kapulisan, nasayran nga igo lang nanginhas ang mga biktima sa dihang na-igo kini sa kilat.

Dali nga naka responde ang Brgy. Umapad ambulance lakip na ang sakop sa mga kapulisan apan gideklarar sa medical staff nga si Melchor Lumupas nga wala na’y kinabuhi ang mga biktima.// BEP