CEBU CITY-Nagtingkagol karon sa Naga City Police Station ang duha ka lalaki human nga giingong gi-molestiya ang 2 ka menor de edad nga babae niadtong Dominggo sa Oceanside, Barangay South Poblacion Naga City.//
Giila sa mga kapulisan ang suspetsado nga sila si Myco Garbo, 19-anyos ug si Kiro Alferez Labandero, 18-anyos nga residente sa Legacy Purok Happy Valley, Brgy. West Poblacion, Naga City.
Samtang ang mga biktima nga usa ka grade 8 student nga 14-anyos ug grade 5 student nga 11-anyos nga managsuon nga residente sa Purok Center 1, Brgy. Naalad sa dakbayan sa Naga.
Sa pakighinabi sa Bombo Radyo Cebu Newsteam kang PLt Jhon Paul Galacio, ang Deputy Chief of Police sa Naga Police Station nga nadakpan ang mga suspetsado kung diin nakit-an sa amahan sa mga biktima sa Oceanside, Brgy. South Poblacion nga nagkuyog sa mga biktima sa usa ka mini cottage.
Dugang pa niini nga pasakaan karong adlawa og kasong kalapasan sa RA 11648, ingon man nga wala’y plano nga makighusay ang mga ginikanan sa mga biktima.
Sa pikas nga bahin, nidepensa ang mga suspetsadonga aduna sila’y relasyon sa mga biktima ug nakaplano na nga mag-uban nga magpadagat ug buhaton ang nahitabo nga pakighilawas.
Ingon man nga kusganong gihimakak nga adunay matang sa pag-molestiya.
