-- ADVERTISEMENT --
Patay ang duha (2) ka piloto human nahagsa ang ilang air cargo plane sa gawas sa Busuanga Airport sa Barangay Decalacho, Coron, Palawan niadtong Huwebes sa buntag, sumala sa Philippine National Police Aviation Security Group (PNP-ASG).
Sumala sa pahayag sa PNP-ASG, ang insidente naglambigit sa usa ka Volpar BE18 air cargo plane nga nahagsa mga alas 11 sa buntag niadtong Abril 2.
Matud sa taho nga ang mga patayng lawas sa piloto ug co-pilot nakit-an mga alas 3 sa hapon atol sa gipahigayon nga search and retrieval operation.
Gidala na ang mga patayng lawas sa 5R Funeral Services sa Coron, Palawan alang sa hustong pag-ila.
Samtang ang runway sa Busuanga Airport temporaryong gisirhan human sa aksidente ug giablihan pag-usab niadtong higayona.
-- ADVERTISEMENT --
