CEBU CITY-Opisyal na nga mibalik ang proseso sa pagbungkag sa pagtangtang ug pagbalhin sa duha ka skywalk sa Osmeña Boulevard paingon sa South Road Properties.
Nunot kini sa nagpadayon nga civil works sa Cebu Bus Rapid Transit project sa maong dapit.
Kahinumduman nga nahunong ang operasyon sulod sa dul-an kapin sa duha ka buwan diin ang katapusang update niini niadtong Disyembre 13, 2023.
Sa pakighinabi sa Bombo Radyo Cebu News Team kang Cebu City Councilor Jerry Guardo, ang chairman sa committee of infrastructure nga temporaryong ibutang una sa SRP ang mga parte sa Skywalk subay sa mando sa Mayor sa dakbayan.
Matud pa ni Guardo nga pangitaan kini og laing lugar arun butangan o kon gani himoon nga footbridge sa SRP arun sa sunod Sinulog adunay magamit ang katawhan.
Samtang, nangayo og pasaylo si Mayor Michael Rama sa publiko hilabi na sa mga motorista tungod sa kahasol nga namugna gumikan sa pagtangtang sa mga skywalk sa Syudad.
Gani, nakadesisyon kini nga gabii buhaton ang pagtangtang arun dili makadugay sa mga trabahante ug istudyante ingon man makapahuot sa dagan sa trapiko.
