CAMEROON- Gitino sa Ministry of Health sa Cameroon nga duha ka tawo ang patay samtang unom pa ang gipaubos sa kompirmasyon ug 40 ang gidudahang nataptan sa Mpox virus sukad Abril.
Pero bisan paman niini, ang epidemya walay kalambigitan sa bag-o,lang nga variant nga gitawag ug Clade 1b.
Kahinumduman nga sa milabayng mga semana ang World Health Organization mideklarar ug ‘international emergency’ human sa pagsaka sa mga kaso sa Clade 1b strain sa DR Congo nga mikaylap sa silingang mga nasud.
Sukad niadto, gipalig-on sa mga awtoridad sa Cameroonian ang pagbantay, pagbakuna ug mga lakang sa pagkahibalo aron mapugngan ang local transmission.
Samtang sa katapusan sa miaging bulan ang mpox natala sa 14 ka mga nasud sa Africa.
Sa pagkakaron, anaa na sa 796 ka mga kaso ang natala sa Burundi, 162 sa Congo-Brazzaville ug 45 sa Central African Republic, sumala sa Africa Centers for Disease Control and Prevention (CDC).
Basi sa gipagawas nga datos sa Congolese Public Health Institute, adunay hapit 22,000 nga mga kaso ug 716 nga namatay nga nalambigit sa virus sukad Enero.
