Miigo ang Bagyong Dujuan duol sa Tokyo, Japan, nga nagpahinabo og kaylap nga pagbaha, mga pagdahili sa yuta, ug pagkabalda sa transportasyon, nga nagpugos sa kapin sa 1.6 ka milyon nga mga residente nga mobakwit gikan sa ilang mga panimalay.
Uban sa kakusog sa hangin sa Katsuura, ang bagyo nagpahinabo og pagkawala sa kuryente sa liboan ka mga panimalay ug miresulta sa duha ka kumpirmadong kamatayon, sumala sa mga awtoridad.
Tungod sa grabeng kahimtang sa panahon, napugos ang mga dagkong airline sa pagkansela sa kapin sa 270 ka mga biyahe sa eroplano, samtang gisuspinde usab ang operasyon sa mga tren—lakip na ang bullet train nga nagkonektar sa Tokyo ug Osaka.
Sumala sa Japan Meteorological Agency (JMA), ang bagyo anam-anam nga mipalayo paingon sa Aleutian Islands karung Martes hinuon, nagpabilin ang hulga sa padayon nga pag-ulan, diin ang gidaghanon sa ulan posibleng molapas sa kasagarang binuwan nga sukdanan alang sa bulan sa Setyembre.
Ang pagbaha miresulta usab sa sayo nga pagtapos sa usa ka sikat nga pasundayag sa katapusang adlaw niini, ingon man sa pagkansela sa usa ka dakong outdoor music festival ug usa ka duwa sa baseball sa Chiba.
