CEBU CITY- Mipasaka og kasu sa National Labor Relations Commission batok sa ilang management ang dul-an 30 ka mga riders sa usa ka online shopping app sa ilang management gumikan kay wala silay nadawat nga mga benepisyo gikan sa kompanya.
Sigon ni Atty. Inocencio Dela Cerna, ang legal council sa mga riders nga dugay na nga nagtrabaho ang mga riders sulod sa taas nga panahon apan wala silay mga benepisyo nga nadawat gikan sa kompanya hinungdan nga niduso sila sa ilang reklamo sa NLRC.
Matud ni Dela Cerna, nga sagad sa mga empleyado, adunay gipirmahan nga mga dokumento nga nag-ingun nga dili sila ubos sa pamalaod sa maong kompanya og matud pa usa lang ka Independent Labor Contractor.
Gihimug-atan sa kampo nga iligal kini gumikan kay aduna nay desisyon ang Korte Suprema nga ang tanang mga mamumuo nga ubos sa control sa kompanya, makonsiderar kini nga empleyado gumikan kay nakabenepisyo ug nagamit kini sa kompanya.
Dugang usab ni Dela Cerna nga magpadala sila og suwat sa mga management sa maong kompanya aron nga masayod sila nga nakalapas sila sa balaod hilabi na sa katungod sa mga drivers nga makadawat sa mga benepisyo.
Mokabat sa soba 60 ka mga empleyado ang apektado sa maong kaso, og gilauman nga possible pang mopasaka og laing kaso ang kampo sa mga drivers.
