Gikataho nga posibleng molungtad og pila ka buwan ug dili lang semana ang nagpadayon nga search and rescue operations alang sa mga biktima sa duha ka linog nga miigo sa Venezuela.
Sumala ni Elinor Raikes, bise presidente ug pangulo sa paghatud sa programa alang sa International Rescue Committee (IRC), ang ilang organisasyon karon nangita og alternatibong mga paagi aron mapadali ang pag-apod-apod sa mga hinabang ug mga kinahanglanon nga relief goods.
Kini nahitabo human ang nasud nakaagom og kaylap nga kadaot gikan sa duha ka linog. Giangkon usab ni Raikes nga ang pagpadala og tabang usa ka dakong hagit tungod sa kasamtangang kahimtang sa imprastraktura sa Venezuela.
Tungod sa kadaot sa pangunang tugpahanan sa nasud, lisod ang pagpasulod og mga suplay. Sa umaabot nga mga adlaw, ang mga team sa IRC mag-focus sa paghatud sa mga batakang panginahanglan sama sa pagkaon, limpyo nga tubig, ug temporaryo nga puy-anan sa mga apektadong residente, ingon man ang paghatud sa mga medical equipment sa mga lokal nga pasilidad sa panglawas.
Daghang mga ospital sa nasud ang nag-antos karon sa grabe nga kakulang sa mga kritikal nga suplay sa medikal, samtang duha ka daan nga ospital sa Caracas ug La Guaira hingpit nga nahugno tungod sa kusog sa linog.
