CEBU CITY-Gisusi na sa PNP Anticybercrime Group ang account og identity sa nangangkon nga witness sa kamatayon ni Rhea Mae Tocmo nga gi-alyasan og ‘Bea o Bianca Lee’ sa usa ka FM Station.
Gihagit ni Police Lieutenant Colonel Janet Rafter Cebu City Police Office (CCPO) Deputy Director for Operations, si ‘Bea o Bianca Lee’ nga mupatim-aw ug mupakita sa iyang gi-ingun nga ebidensya human masayran nga peke og gikan sa youtube ang video niini nga gipresentar sa usa ka fm station sa Sugbo.
Hinuon giangkon niini nga lisud kini itrace sanglit usa man kini ka dummy account, apan masaligon kini nga ilang mailhan ang identity o pagkatawa sa napaka-arun ingnun nga witness.
Nanawagan usab ang opisyal ngadto sa media nga mamahimong responsable sa pagpagawas og impormasyon nga posibleng makahatag og kalibog sa publiko.
