Nangandamn na si Karl Eldrew Yulo alang sa Asian Gymnastics Junior Championships ug Junior World Championships karong tuiga.
Diin matud niini nga kada adlaw siya nga nag-practice, bisan wala ang iyang coach nga si Munehiro Kugimiya, kinsa nagtudlo usab sa iyang igsuon nga si Carlos Yulo.
Human sa malampuson nga pagbansay sa Japan niadtong Oktubre, si Eldrew gikatakdang modepensa sa iyang vault apparatus title sa Asian Junior Championships sa South Korea gikan sa Hunyo 12 ngadto na sa 16 samtang ang Junior Worlds mosunod sa Manila gikan sa Hulyo 12-21.
Gawas sa gold medal sa vault sa Asian Championships sa Uzbekistan, nakadaog usab siya og walo ka bulawan sa Chiu Wai Chung Cup sa Hong Kong niadtong Disyembre ug tungod niini, gihatagan kini og Special Citation sa 2024 PSA Awards Night.
Tumong sa managsuong Yulo nga magkauban sila sa 2028 Los Angeles Olympics.
