CEBU CITY- Gibasura sa Commission on Elections (COMELEC) ang election protest nga gipasaka ni kanhi Cebu City Mayor Michael Rama batok kang incumbent Mayor Nestor Archival tungod sa “insufficiency in form and content,” nga tumong niini.
Ang maong desisyon sa buhatan gipestsahan kagahapong adlawa, Agosto 27, 2025, ug kini gikompirmar ni Atty. Amando Virgil Ligutan, ang legal counsel ni Archival.
Gikabutyag ni Atty. Ligutan nga ang election protest nga gisang-at ni Rama kaniadto adunay haw-ang kung kamatuoran ang basehan, bug-at nga klase sa mga pangagpas, ug personal nga mga imahinasyon.
Kahinomdoman nga si Rama, nidagan pagka-Mayor atoll sa 2025 Midterm Election, ug dayun niduso sa election protest niini sa National Office sa COMELEC.
Ang maong protesta sa kanhi Mayor nahitabo nunot sa nasangputan niini nga anaa mahiluna sa ikatulo nga ang-ang sa naitabong eleksyon niadtong buwan sa Mayo karong tuiga, sa personal nga nasinatian niini atol sa iyang pagbotar nga adunay mga glitches sa gigamit nga Automated Counting Machines (ACM) sa maong hugna sa piniliay.
