Electric Salt Spoon sa Japan, nagkantidad og P7,000 arun ma-achieve ang saktong parat sa pagkaon

Naimbento ang usa ka kutsara sa Japan nga adunay gahum nga makahatag og parat nga lasa sa dila sa tawo bisan og dili kaayo parat ang pagkaon nga imong gikaon.

Gani ang maong kutsara giingong adunay rechargeable battery ug makahimo kini og pagawas og hinay nga electrical charge nga maoy hinungdan nga modugang og parat sa imong pagkaon.

Ang gitawag nga healthy spoon, adunay kantidad nga P7,000.

Sumala sa kompanya nga nagmugna sa talagsaon nga kutsara, ang katuyoan niini mao ang pagpakunhod sa taas nga pag-inom sa sodium sa mga tawo o pagkonsumo sa asin ug mga tawo nga grabe mobutang og asin sa pagkaon.

Kung ang usa ka tawo adunay sobra nga sodium, kini mahimong hinungdan sa mga sakit sama nalang sa taas nga presyon sa dugo ug stroke.