Giangkon na sa aktor nga si Elijah Canlas nga nagbulag na sila sa iyang hinugugma ug kaubang artista nga si Miles Ocampo human sa ilang lima ka tuig nga relasyon.
Gipasabot ni Elijah nga gituyo niya nga itago ang ilang pagbulag aron irespeto si Miles, apan kinahanglan na niya kining tinggan gumikan sa mga hungihong nga nanggawas, diin giklaro sa aktor nga nagbulag sila sa maayong paagi ug walay dautang nga bati tali kanila.
Bisan gipili ni Elijah nga dili na idetalye ang hinungdan sa ilang pagbulag, gipadayag niya nga gisulayan pa nila nga ayuhon ang relasyon sa ikaduha nga higayon sa wala pa sila nakadesisyon nga magpalayo sa usag usa.
Sumala pa kaniya, sakit ang ilang gidangatan tungod kay walay dakong problema, apan nakat-onan lang nila nga dili gyud sila haom sa usag usa.
Dugang pa sa aktor, usa ka hamtong nga desisyon alang nilang duha ang pagtapos sa ilang relasyon, ug gihulagway niya ang ilang katapusang mga gutlo nga puno sa emosyon ug pasalamat sa lima ka tuig nga ilang gisaluhan.
Gipadayag usab ni Elijah nga bisan pa man sa nahitabo, pabilin niyang higugmaon ug irespetuhon si Miles sa tibuok niyang kinabuhi.
