Cebu City– Mi-apelar og pag-ampo sa publiko ang usa ka OFW sa South Korea taliwa sa padayon nga hulga sa Corona Virus Disease (COVID-19).
Kini human nga ang nasud nga South Korea usa sa mga apektado sa virus partikular na ang Daegu City nga maoy epicenter sa virus outbreak gawas sa nasud nga China kung diin pipila na sa mga nasud lakip na ang Pilipinas ang nagpatuman na og entry ban sa mga Koreans.
Sa ekslusibong pakighinabi sa Bombo Radyo Cebu kay Bombo International Correspondent Lorrenne Caburatan, Student Researcher sa Seoul National University of Science and Technology, wala matud pa’y problema sa sitwasyon sa mga Filipino sa Seoul South Korea gumikan kay gihimo sa SoKor government ang tanang lakang para masiguro nga dili na makakatap pa ang corona virus.
Lakip sa gipatuman sa gobyerno ang pagpahunong usa sa operasyon sa mga tunghaan lakip ang English Academy kung diin daghang Filipino ang nagtrabaho, pagdis-infect sa mga pangpublikong sakyanan, ug ang pagpatuman sa proper hygiene sa matag usa ug ang paghatag og libreng tabang para makaluwas sa naasoy nga sakit.
Dugan pa niini, gikabalak-an man tood nila ang una nga nahimong sitwasyon apan nahupay na ang ilang gibati karon ug wala matud pa’y angayang kabalak-an ang mga Filipino ug ipadayon lang pag-ampo alang sa ilang kaluwasan.
Sa data sa mga health authorities sa South Korea nasayran nga gikan sa 3,150 nga ihap sa nagpositibo sa virus sa Daegu, City, misaka na kini sa 376 kung diin kapin 10 na ang namatay.
Samtang sa Seoul usab nga mao’y Center City sa South Korea, anaa sa kapin 30 na ang nagpositibo. | Glenda Sabenorio
