Niatubang si Engr.Brice Ericson Hernandez sa Independent Commission for Infrastructure (ICI) niadtong Septiyembre 19, 2025, subay sa gipagula nga subpoena niini.
Kini kalabot sa imbestigasyon sa giingong mga anomaliya sa flood control projects sa Bulacan.
Ang iyang testimonya sa Senado ug House of Representatives niadtong Septiyembre 8 ug 9, 2025, gituki usab, diin, ligdong kini niang gitubag ang tanang pangutana sa Komisyon nga gawasnon ug kinabubut-on.
Isip timaan sa maayong pagtuo ug sa iyang kaandam nga mokooperar pa sa Komisyon, boluntaryong gitugyan ni Mr. Hernandez ang usa sa iyang luho nga mga sakyanan ngadto sa Komisyon, ug ang uban pa nga mosunod.
Sa pamahayag nga gipirmahan ni Chairman Andres Reyes, didto gikabutyag nga mao kato ang naghatag og timaan sa pagkooperar ni Hernandez sa Komisyon.
“As a sign of good faith and his willingness to further cooperate with the Commission, Mr. Hernandez is voluntarily surrendering one of his luxury vehicles to the Commission, and others to follow. In the meantime, the testimony of Engr. Hernandez was adjourned and shall continue upon the directive of the Commission,” matod sa ICI, nga gipirmahan ni Chairman Andres Reyes.
Subay niini, ang pagdungog sa iyang testimonya magpadayon sa petsa nga gitakda ug gitahas gikan sa Komisyon.
