Gipirmahan na ni Presidente Ferdinand R. Marcos Jr. ang Republic Act (R.A.) No. 12253 o ang ‘Enhanced Fiscal Regime for Large-Scale Metallic Mining Act’ atol sa seremonyas sa Kalayaan Hall sa Palasyo sa Malacañang karong adlawa.
Kini nga Balaod nagkonsolida sa mga probisyon sa House Bill No. 8937 ug Senate Bill No. 2826, diin nagtinguha kini nga pasimplehon ug i-rationalize ang rehimeng piskal alang sa dinagkong metal nga pagmina.
Ingon man ang pagsiguro sa patas nga bahin sa kita sa pagmina alang sa gobyerno samtang gihuptan ang mga prinsipyo sa transparency, accountability ug maayong pagdumala sa industriya sa pagmina.
Nagtinguha usab kini nga makunhuran ang mga leakage sa kita, mapadako ang mga koleksyon, ug mapalig-on ang pagdumala sa sektor samtang gipanalipdan ang kalikopan ug komunidad pinaagi sa natural nga datos sa accounting sa kapital ubos sa Philippine Ecosystem and Natural Capital Accounting System (PENCAS).
Gidugang usab ni Marcos nga bulahan ang Pilipinas sa mineral resources hinungdan nga sa maong balaod kay makabenipisyo niini dili lang ang katawhan apan masiguro usab ang kaayohan sa kalikupan.
