CEBU CITY – Gibakwi ni Cebu Provincial Governor Gwendolyn Garcia ang giluwatan niini nga Exeutive Order (EO) No. 23 nga nagpasidaan sa mga concerned agencies ug sa mga stakeholders nga mag-atubang ug silot sa higayon nga malapas ang Provincial Ordinance kabahin sa ‘swab-upon-arrival’ policy sa mga inbound international travelers lakip na ang mga Returning Overseas Filipinos ug Overseas Filipino Workers.
Kini ang gipahibawo sa Gobernadora kagahapong adlawa pina-agi sa facebook video live niini.
Hinuon giklaro sa Gobernadora nga magpabilin gihapon ang ordinansa sa probinsiya nga i-swab test ang mga ROFs ug OFWs sa pag-abot pa lang niini sa Mactan-Cebu International Airport.
Matud ni Garcia nga subay ang maong desisyon niini nga pag ‘set aside’ sa EO No. 23 isip pagrespeto sa nahimong pamahayag ni Presidente Rodrigo Duterte niadtong Lunes sa gabie sa recorded Public Address niini.
“This EO, I am now setting aside in deference to the President even as we look forward to the scheduled meeting this 28th of June with Sec. Duque and the same technical experts who had advised the President last night as regards to the need to implement IATF guidelines (in Cebu),” asoy pa ni Garcia.
Gipasalamatan sa opisyal ang Presidente sa pag-ila usab sa palisiya nga gipatuman sa Sugbo lakip na ang paghatag ug kasiguruhan sa mga returning Filipinos gikan sa gawas sa nasod nga i-abaga sa national government ang pag-istar sa mga travelers sa hotel.
Ning kasamtangan nagkasumpaki ang pama-agi sa probinsiya kabahin sa pag-swab sa mga inbound international travelers sanglit sa pag-abot pa lang sa maong mga pasahero sa airport, i-swab test na kini.
Sa higayon nga mogawas na ang resulta ug negatibo ang kini sa coronavirus, pwede na nga maka uli sa ilang pinuy-anan ug didto ipadayon sang pag-kwarantin, apan subli kini nga i-swab test inigka-pito nga adlaw.
“In so doing, even as I set aside EO No. 23, we shall continue with the Swab-Upon-Arrival policy. We have found that doing this gives us better control at those that arrive and already testing positive. This shall continue, at no cost to the arriving OFWs (Overseas Filipino Workers) and ROFs (Returning Overseas Filipinos), even as the 7th day swab be administered,” dugang pa ni Garcia.
Sukwahi ang maong patakaran sa kasamtangan giimplementar sa National IATF nga sa ika-pito na ka adlaw i-swab ang mga inbound international travelers diin obligado kini nga mag-quarantine sulod sa 10 ka adlaw bisan pa ug negatibo ang resulta niini.// BEP
