Natanggong sa prisuhan ang usa ka retiradong government employee ug anak niini human nakuhaan og linibo nga balor sa ginadiling drugas atol sa buybust operation kagahapon sa Sitio Garaje, Brgy. Busay, dakbayan sa Sugbo.
Giila ang mga dinakpan nga silang Ruben Geculi, 65 anyos, ug anak niyang si Clydemar Geculi.
Matud ni Police Staff Sergeant Gerby Maloloy-on sa Mabolo Police Station nga samtang nagtrabaho kaniadto sa Cebu City Hall si Ruben, nalambigit kini sa illegal drug transaction sulod sa upat ka tuig.
Dugang pa ni Maloloy-on nga nasikop ang ilang target nga si Ruben human sa duha ka semana nga surveillance.
Base sa ilang imbestigasyon, makadisperse ang dinakpan og halos 25 gramos nga shabu matag semana.
Nakuhaan ang mga dinakpan og 30 grams sa shabu ug mikantidad kini og P250,000.
Mag-atubang ang mga dinakpan og kasong kalapasan sa Comprehensive Dangerous Drugs Act.
