Posibleng ipatuman sa Department of Education Central Visayas, ang pagpahigayon sa Eye Check progam, alang sa mga nagkadaiyang tinun-an sa kindergarten sa kabisay-an
Kini ang gibutyag ni Department of Education Regional Director Dr. Salustiano Jimenez, nga posibleng magpahigayon usab og eye check-up program ang buhatan alang sa mga kindergarten kini human nga gi-launched ni DepEd Secretary Sonny Anggara ang maong programa ngadto na sa Pasig City.
Matud ni Jimenez nga posible gayud kan mahitabo gumikan kay kung adunay programa nga ilusad ang kaulohan sa buhatan, isunod dayun kini gikan sa mga nagkadaiyang distrito og rehiyon.
Dugang usab ni Jimenez, nga mahinungdanon gayud ang pag-giya sa mga ginikanan sa pagtoun sa mga bata, hilabi na pag-regulate sa mga tinun-an sa paggamit sa gadgets ug pagtan-aw sa screens.
Gihimug-atan niini nga usa kini sa mga nakitang rason nganung maglisod og kat-on ang mga tinun-an sa pag-basa gumikan sa problema sa mata og lakip na sa pagdungog.
Hinungdan nga nakig-alayon ang buhatan sa pipila ka mga pribadong sector aron nga masuta ang kahimtang mga bata og malikayan ang pagkabalda sa pagkat-on niini.
