Nagkaguliyang apan nahura-hura na sa kasamtangan ang Minnesota States tungod kay nitawag na ngadto kang US President Donald Trump sila Minneapolis Mayor Jacob Lawrence Frey ug si Governor of Minnesota Tim Walz, diin kining duha, parehong sakop sa Democratic Party.
Mao kini ang gikabutyag ni Daniel Quindao Guden ang Bombo International News Correspondent sa Minnesota, USA, nga ang tumong sa pagtawag sa Gobernador ug sa Mayor nagtumong sa pag negotiate kay aduna nay 2 ka indibidwal ang namatay sa State of Minnesota ubos sa pagdumala sa mga ICE agents.
Atol sa pakighinabi sa Bombo Radyo Cebu Newsteam kaniya, iyang giasoy nga unang napatay sa mga ICE agents ang 37 anyos nga babae nga gipara sa sakop sa mga ICE agents atol sa ilang gihimong raid sa mga indibidwal usab nga walay klarong papelis.
Gidugang ni Guden nga kadtong 37 anyos nga si Rene Good nga napatay sa ICE Agents, nakisimpatiya sa ubang inidbidwal sa maong kasilinganang dapit aron masayud nga adunay raid sa maong dapit, apan tungod sa alarma nga gibuhat sa maong babae ug uban pang concern citizen, nasuko ang mga ICE Agents hinungdan nga gisita kini.
Apan, nagdumili man ang maong babae sa dihang gisita siya ug nipadayong padagan sa iyang sakyanan, busa gikanlat sa sakop sa ICE Agents ang bintana niini ug gipusil.
Samtang, giklaro usab ni Guden nga sa maong panghitabo sa estado nga kasamtangang gipuy-an nila karon, naghatag kini nila og hulga bisan kompleto silas papelis kay tungod wala silay concentration sa matag lihok nga ilang pagabuhaton kung panaminan lang ang mga nahitabo sa uban nga gidid-an na sa pagtingug ug kalit nga bunloton o diretso dakpon.
Gani, siya miingon nga aduna nay mga pinay ug pinoy usab nga nasita na sa mga ICE Agents dili lang usa, apan ubay-ubay na.
Hinungdan nga pipila ka mga filipino citizen sa maong estado kanunay nang nagbitbit sa ilahang mga passport.
