Naglaom ang Philippine Sports Commission (PSC) naglaum nga ang Filipino community sa Thailand mohatag og mainitong suporta sa mga atletang Pilipino nga makigkompetensya sa 2025 Southeast Asian Games.
Sumala ni PSC Chairman Pató Gregorio, ang presensya sa liboan ka mga Pilipino sa host country gilauman nga magdala og “homecourt energy” sa mga atletang Pilipino, susama sa kadasig nga ilang masinati kon magduwa sa Pilipinas.
Samtang si Chairman Gregorio, Deputy CDM Jop Malonzo, ug ang Philippine Ambassador to the Kingdom of Thailand nga si H.E. Millicent Cruz-Paredes ang mangulo sa contingent sa Pilipinas sa pagbukas sa regional meet gahapong adlawa, Disyembre 9.
Subay niini, daghang mga atleta sa nasud ang nakabiyahe na sa Thailand, samtang gahapong adlawa ang Philippine Athletics Team mibiyahe usab paingon sa host country.
Sa pagkakaron, adunay gibanabana nga 40,000 ka mga Pilipino nga nagpuyo sa Thailand.
Ang target sa PSC dili lamang ang pagpauswag sa ranggo sa medalya apan lakip usab ang pagpalig-on sa pakigtambayayong sa Pilipinas sa ubang mga miyembro sa SEA. Kini nahitabo dungan sa pagduso sa nasud alang sa mas mauswagong sports tourism samtang nangandam kini alang sa 2026 ASEAN Summit Chairmanship.
