Tumang panagang ang gihimo sa mga sakop sa Modesto Fire Department sa California human nga dihang nahuman na nila pagpalong sa vegetation fire sa Stanislaus County, ila na usab gi-atubang ang secondary hazard, dihang liboan ka mga buyog ang milikay sa kalayo ug didto nagtapok sa fire truck.
Sa social media post sa departamento, nasuta nga ang mga crews gikan sa Oakdale and Knights Ferry, miresponde uban sa mga bombero sa Modesto aron patyon ang kalayo nga milamoy sa gulayan kilid sa Sonora Road.
Apan, dili lang ang sunog ang ilang gikumbatihan tungod kay ang mga bubuyog nga nanggawas sa kahon nga usa sa mga naka-ingon og kahasol ilang operasyon.
Bisan pa man sa pagsamok-samok sa mga buyog nga midugok sa ilang fire truck, malampuson nilang napalong ang kalayo sulod sa 15-minutos.
Duna’y mga bombero nga napaakan sa mga buyog apan wala’y gikatahong major injuries tungod kay gigamitan man nila og tubig ang mga insekto aron makumbinsir silang mupalayo sa ilang trak.
