Nigawas ug pamahayag si First Lady Liza Araneta-Marcos bahin sa insidente diin iyang gikuha ang ilimnon ni Senate President Chiz Escudero atol sa Vin D’Honneur’ nga gipahigayon sa Palasyo sa Malacañang niadtong Miyerkules.
Sa usa ka pamahayag, gipasabot ni FL Liza Marcos nga human sa pagtimbaya sa 82 ka mga ambassador ug ubang mga representante sa ubang mga internasyonal nga organisasyon sulod sa kapin sa usa ka oras, misulod sila sa ceremonial hall ug mitudlo kanila sa direksyon diin didto sila si Senador Escudero ug Speaker Martin Romualdez.
Matod sa Unang Ginang, mga 10 segundos nga nag-estoryahanay sila sa Senate President ug gisultihan nga aduna pa siyay kusog human sa kapin sa usa ka oras nga pagbarog unya gitanyagan siya sa senador og mainom.
Apan, makita sa video nga gikuha sa Unang ginang ang ilimnon ni Escudero ug dayon giinom ug gibalik kaniya ang baso nga champagne ug human niya mainom kini nangatawa sila.
Matud pa sa unang ginang nga dugay na silang magkaila ni Escudero sukad pa sa ilang pagtungha sa abogasiya kay nagtungha kini sa UP ug nagtungha kini sa Ateneo ug maayo gyud silang managhigala.
Giinsister sa First Lady nga ang nasangpit nga insidente diin giingong gihimo niya nga waiter ang Senate President ug nagpabiling gentleman maoy tali nilang duha.
