CEBU CITY-Nasikop ang usa ka 23-anyos nga online food delivery rider human kini nag sideline sa pagpamaligya og gitouhang shabu nga mikabat ang balor sa kapin P600,000 dalan Concepcion, Barangay Suba ning dakbayan sa Sugbo niadtong adlaw sa Biyernes sa gabii, Nobyembre 22, 2024.
Nasikop kini sa mga sakop sa Sawang Calero Police Station 6 sa Cebu City Police pinaagi sa usa ka buy-bust operation diin gawas sa nakuhang drugas kay nakuhaan pud kini og kalibre .45 nga pistola ug tulo ka mga buhing bala.
Giila ang suspek nga si Nicolas Cabasan Mata alyas “Niko”, 23-anyos ug lumulupyo sa Garfield St., Barangay Suba, dakbayan sa Sugbo.
Lakip sa nasakmit ang P200 nga buy-bust money, 12 ka nagkadaiyang pakete sa ginadiling drugas nga miabot sa 100.35 gramos ang timbang nga adunay standard drug price Php682,380.
