Nagsingabot sa Pilipinas ang pipila ka mga storm chasers gikan sa Estados Unidos ug Europa aron personal nga magmonitor sa Bagyong Uwan.
Matud nila, bisan paman nga makangangha kini nga talan-awon apan
usa ka dakong sistema nga naghulga sa Amihanang Luzon.
Sumala ni Josh Morgerman, nitugpa siya sa Pilipinas niadtong Biyernes sa gabii ug gikatakda nga mobiyahe paingon sa Aurora Province aron magmonitor sa paglihok sa bagyo.
Gihulagway niini ang Bagyong Uwan isip usa ka dako ug makahadlok nga sistema nga naporma sa Kadagatang Pasipiko ug nagpadayon sa paglihok paingon sa Luzon.
Naila si Morgerman sa iyang halapad nga kasinatian sa pagmonitor sa kusog nga mga bagyo sa lainlaing mga bahin sa kalibutan ug bisan paman nga gikapoy pa siya gikan sa Jamaica nga gikuso-kuso usab sa bagyo, wala na niya palabya ang kahigayonan nga masusi ang usa ka super typhoon sa Pilipinas.
Lakip kanila ang team ni James Reynolds nga paingon sa Quirino, ang team ni Josh Morgerman nga padulong sa Aurora, samtang ang uban anaa sa Bicol aron magmonitor sa “monster typhoon” nga moigo sa Catanduanes.
