Hingpit na nga mikusog ang Bagyong Francisco, nga adunay international name nga “Mekkhala,” samtang anaa sulod sa Philippine Area of Responsibility (PAR), sumala sa Philippine Atmospheric, Geophysical and Astronomical Services Administration (Pagasa).
Basi sa 5 p.m. bulletin gahapong adlawa, ang Pagasa miingon nga ang Francisco nahimong bagyo mga alas 2 sa hapon.
Diin ang sentro sa bagyo katapusang nakita 820 kilometros amihanan-sidlakan sa Sidlakang Kabisay-an.
Kini adunay kusog nga hangin nga 120 kilometros matag oras (kph) duol sa sentro ug kusog nga hangin nga moabot sa 150 kph samtang naglihok paingon sa kasadpan-amihanan-kasadpan sa 25 kph.
Sumala sa Pagasa, ang bagyo gilauman nga magpadayon sa pagkusog ug mahimong moabot sa intensidad ugmang adlawa, Martes.
Ang Tropical Cyclone Wind Signal No. 1 mahimo usab nga ipataas sa mga bahin sa amihanan ug sidlakang Cagayan, lakip ang Babuyan Islands ug Batanes, sa Lunes sa buntag.
Bisan pa man og gilauman nga magpabilin ang Francisco sa Dagat Pilipinas sa tibuok panahon sa forecast, wala gihapon gisalikway sa Pagasa ang posibilidad nga kini moduol sa Extreme Northern Luzon nga mas duol.
Ang bagyo gilauman nga molihok paingon sa amihanan-kasadpan hangtod sa Miyerkules sa dili pa moliko paingon sa habagatang Japan.
Sa pagkakaron, namatikdan sa Pagasa nga ang posibilidad nga ang Francisco direktang makaapekto sa panahon sa nasud gamay ra, apan mahimo niini nga mapalig-on ang southwest monsoon o habagat nga magdala og ulan sa pipila ka bahin sa Luzon ug Visayas sa umaabot nga mga adlaw.
