-- ADVERTISEMENT --
CEBU CITY – Patay na nga nalandig sa tambalanan ang usa ka gituohan nga ‘freelance tour guide’ human nga gipusil sa may General Maxilom Ave. o Mango Avenue, Barangay Cogon-Ramos, kaganihang kadlawon.
Giila ang biktima nga si Josemesilito Sosun Alcoriza, 42 anyos ug nagpuyo sa Sitio Unit 5, Oppra, Barangay Kalunasan, dakbayan sa Sugbo.
Basi sa inisyal nga imbestigasyon sa kapulisan sa Abellana Police Station, giingong nakadungog ang mga ‘standby’ ug pipila ka boto sa armas ug nadiskobrihan na lang ang nagbuy-od ug nagkadugo nga lawas sa biktima.
Sa pagkakarun, padayon nga giila sa kapulisan ang mga mamumuno, ingon man ang pagsuta sa motibo sa maong krimen.
