Full-set sa pustiso gibutang sa lost and found property human mahabilin sa usa ka British restaurant

CEBU – Gipaningkamutan sa usa ka British restaurant nga makit-an ang tag-iya sa usa ka talagsaon nga piraso sa lost and found property; nga pustiso sa tibuok ngipon.

Gikatahong nanglimpyo ang mga empleyado sa Barclay Pizza & Prosecco, nga nahimutang sa Royton, Oldham, England, sayo sa kabuntagon adlawng Dominggo dihang nakit-an niini ang usa ka full-set sa pustiso.

Gumikan niini, gipost ni Emma Whelan, tag-iya sa maong kan-anan, sa social media ang maong pustiso nga gisulod og bag og gibutangan og petsa kung kanus-a kini nakit-an.

Matod pa ni Whelan nga daghan mga butang ang mahabilin sa ilang restaurant apan lahi kini nga butang nga nahabilin.

Hangtod sa pagsuwat niini nga balita wala pa mahibal-i kung si kinsa nag tag-iya sa maong pustiso.