CEBU CITY- Nakurat ang usa ka environmental planner sa temporaryong pagtangtang sa Department of Environment and Natural Resources – Environmental Management Bureau in Central Visayas (DENR-EMB 7) sa cease-and-desist order nga nagtugot sa pagbalik sa mga limitadong operasyon sa usa ka landfill sa Barangay Binaliw, ning dakbayan sa Sugbo human natino nga ang Prime Integrated Waste Management Inc. mituman sa mga major nga pasalig sa remediation nunot sa pagdahili sa basura niadtong Enero 8.
Kini ang gipadayag ni Gus Agusto nga dako ang ilang kakurat gumikan sa miaging semana lang nakadawat sila og letter gikan sa DENR nga giingong wala pa sila nahuman sa ilang imbistigasyon apan aduna na’y ‘partial lifting’ sa operasyon.
Busa, nabalaka kini sa posibleng mahitabo o mutumaw nga problema sa pagtugot nga maka-operate pagbalik ang landfill bisan paman nga dili pa hingpit nga natapos ang imbistigasyon.
Samtang, gipunting usab niini ang ‘pattern’ sa desisyon sa buhatan sa DENR kalabot sa paglibkas sa cease-and-desist order sa Monterrazas de Cebu project nga susama sa gibuhat niini sa Binaliw landfill nga bisan wala nakompleto ang pagtuon o imbistigasyon kay gilibkas ug gitgutan kini sa pag-operate.
Gidugang usab ni Agusto nga ang maong lakang sa DENR kay “very problematic” gumikan sa seguridad sa publiko.
