Gibutyag ni Cebu City Council Joel Garganera, nga anaa pa sila sa hugna sa public hearing sa planong pagpatukod og “Waste to Energy Plant sa lokal nga kagamhanan sa dakbayan sa Sugbo ngadto na sa Barangay Guba.
Tumong sa maong proyekto mao ang pagkunhod ug pagsulbad sa kadaghan sa mga basora nga kolektahon sa siyudad ug aron usab nga malikayan ang kahugaw sa mga dapit nga posibleng maapektuhan sa mga basura.
Gihimug-atan ni Garganera nga nakasabot kini sa gibating kahiubos ug kabalaka sa mga residente sa Barangay Guba, gumikan sa ilang kahadlok nga posibleng makadaot sa mga lumulopyo ang planong pagatukoron nga “Waste to Energy facility”.
Dugang usab sa opisyal nga ug tugotan sa panahon nga matukod ang planong waste to energy facility sa nahisgutang lugar, posibleng kining mamahimong labing una nga waste to energy facility sa nasud ug posibleng mahimong sumbanan sa ubang bahin sa Pilipinas.
Plano usab ni Garganera nga makigtagbo sa mga Regional Directors karon semanaha aron dalion ang pagpahigayon sa public hearing apan sigon niini nag-agad lang kini sa availability niini.
Giawhag usab sa opisyal nga motambong ang mga residente sa mga public hearing aron nga madungog ang ilang mga yangu-ngo sa maong planong proyekto.
Giklaro usab niini nga dili angay mabalaka ang mga residente sa kabaho sa mga basura nga mangagi sa kadalan hilabi na sa kabukiran gumikan kay “compactor truck” ang gamiton niini ug mas palapdan pa ang kadalanan aron mas dali ang pagkolekta sa mga basura ug mas luwas kini again.
