CEBU CITY-Gibutyag sa Commission on Human Rights (CHR) VII Regional Director, Atty. Arvin Odron nga isip democratic ug republican government, adunay freedom of expression kini gi protektaran.
Nunot sa pagkagawasnon ni Senador Leila De Lima human nga gitugotan sa Muntinlupa Regional Trial Court Branch 206 ang motion for reconsideration nga makapiyansa kini.
Kahinumduman nga ang kanhi senador nahimong kritiko ni kanhi Presidente Duterte sa iyang kampanya batok sa ilegal nga drugas diin daghang nangamatay.
Niadtong 2017 nasikop ang kini human giakusahan ni Duterte nga nagpadagan og ilegal nga drugas sa New Bilibid Prison.
Gisaysay ni Odron nga ang mga politiko mahimong prone sa mga kritiko itandi sa sibilyan gumikan nga ilahang girepresentar ang gobyerno ug tigpasiugda alang sa transparency.
Subay sa first human right sa universal declaration, ang tanan tawu adunay katungog nga mabuhi nga gawasnon ug equal.
Dungang pa nga sa international law, mamahimong masuspenso sa bisan kinsa aron maprotektaran ang katilingban alang sa kaayohan sa tanan.
Giila sa balaod nga mahimong mapiyansahan ang non-baillable nga krimen kung dili lig-on ang ebidensya sa iyahang sala lakip sa nahitabo sa naasoy nga Senadora gumikan nga ang mga potential nga witnesses mi-withdraw.
