Gihungihong karon ang giingong panagbuwag nila ni Gerald Anderson ug Julia Barretto human namatikdan sa mga netizen nga taudtaod na silang wala mag-post bahin sa usag usa sa ilang social media.
Bag-o lang gi-share ni Julia ang mga litrato sa iyang mga pagbiyahe sa lainlaing lugar nga wala si Gerald, samtang si Gerald nag-post sa mga litrato sa iyang gisakyan nga motorsiklo ug usa ka resort sa Zambales.
Namatikdan usab sa pipila ka followers nga daw gi-delete ni Julia ang pipila niya ka mga recent posts ni Gerald sa Instagram ug katapusang post niya uban sa aktor mao ang 63 ka semana ang milabay, sa bag-o lang nga adlawng natawhan ni Gerald.
Sa laing bahin, ang katapusang post ni Gerald uban ni Julia 10 ka semana na ang milabay.
Atol sa birthday celebration ni Marjorie Barretto ning bag-o lang, wala usab makita sa mga hulagway si Gerald.
Hinuon, ni-comment ang aktor sa Instagram post ni Marjorie og: “Happy birthday, Tita,” diin pasalamat nga gitubag ni Marjorie.
Bisan og walay kompirmasyon gikan sa duha ka kampo, nagpadayon ang espekulasyon online bahin sa status sa ilang relasyon.
