CEBU CITY — Mag-atubang og kalapasan sa Republic Act 10175 o Cybercrime Prevention Act ang usa ka German-national sa Brgy. Basak, sa dakbayan sa Lapu-Lapu tungod sa gituohang pakiglambigit sa online trafficking.
Gisikop sa mga sakop sa Women’s and Children Protection Center-Visayas Field (WCPC-VF) ang 41-anyos nga si alyas “Howard” sulod sa iyang panimalay sa Sitio Suba-Masulog human gilutsan og search warrant gikan sa Regional Trial Court (RTC) – VII.
Matud ni WCPC-VF Chief Police Colonel Romeo Prisgo nga giingong giimbitaran ni “Howard” ang mga bata sa ilang panimalay ug buhaton ang mga malaw-ay nga aktibidad aron makakwarta.
Dugang pa ni Prisgo. nga i-upload sa dinakpan ang mga law-ay nga hulagway online.
Samtang gi-rescue usab sa mga otoridad ang 3-anyos niyang anak nga lalaki atol sa maong operasyon ug anaa na kini sa kustodiya sa DSWD.
Gikatakdang ipaubos sa forensic examination ang mga nahipos nga computers ug cameras gikan sa panimalay ni Alyas Howard.
“Today’s arrest of a German national shows the global nature of the crime of online sexual exploitation of children,” sigon pa ni Perigo.
“May today’s arrest serve as a warning not only for foreign perpetrators living in our country, but for all online predators around the world. This crime does not pay. You will be arrested…it’s just a matter of time,” dugang pa sa hepe.
Nasayran nga adunay gikapuyo si “Howard” nga Pinay sukad niadtong Oktubre 2018.
