“Fake news” o walay kamatuoran ang mga hungihong nga nag-istoryahanay sila si Presidente Ferdinand Marcos Jr. ug Bise Presidente Sara Duterte o nagkita, sumala sa pahayag sa tigpamaba sa depensa nga si Atty. Michael Poa.
Gihimo sa abogado ang pagklaro sa mga kawani sa media sa Senado taliwala sa nagpadayon nga impeachment trial batok kang VP Sara.
“Parang ano lang yan yung binato ako ng laptop o kung ano man. It’s fake news,” matud ni Atty. Poa.
Una niini, adunay mga alegasyon nga gusto ni VP Sara nga mag-schedule og miting uban sa presidente taliwala sa diskusyon sa sayop nga paggamit sa confidential funds sa Office of the Vice President (OVP).
Giingon usab ni Malacañang Press Officer Claire Castro nga dili niya makumpirma ang gitaho nga miting tali sa duha ka taas nga opisyal sa gobyerno tungod kay wala siyay personal nga kasayuran sa impormasyon.
