Gipildi sa Gilas Pilipinas ang Hong Kong, sa iskor nga 93-54 aron mamentinar ang walay pilde sa 2nd window sa FIBA Asia Cup 2025 Qualifiers sa duwa nga gipahigayon sa Mall of Asia Arena.
Sa sinugdanan, gidominar na sa Gilas Pilipinas ang duwa diin ang gitas-on nila ni Kai Sotto ug Jun Mar Fajardo maoy gigamit aron ipahilayo ang bintaha sa Gilas.
Kini ang kataposang duwa sa Gilas sa nasod alang sa window 2 ug makuha ang 4-0 nga bintaha sa Group B.
Tungod sa kadaugan, seguradong mobalik ang Gilas sa FIBA Asia Cup sa Saudi Arabia sa buwan sa Agosto.
Ug si Dwight Ramos lang ang wala makaduwa tungod sa calf injury niini.
Samtang, gipangulohan ni Carl Tamayo ang kadaugan sa Gilas pinaagi sa iyang 16 puntos, lima ka rebounds samtang si Justin Brownlee adunay 13 puntos, tulo ka rebounds ug tulo ka assists samtang si Kai Sotto adunay 12 puntos, 15 ka rebounds ug duha ka blocks.
Ang sunod nga duwa sa Gilas anaa sa third window sa FIBA Asia Cup Qualifiers nga ipahigayon sa sunod tuig Pebrero 20 batok sa Chinese Taipei ug New Zealand sa Pebrero 23
