Pildi ang Gilas Pilipinas Women sa ikaduhang sunod-sunog nga duwa niini sa 2026 FIBA Women’s World Cup Qualifying Tournament batok sa Team Germany sa final score nga 113-80 niadtong Biyernes, Marso 13.
Napildi ang Gilas Women batok sa World No. 12 nga Germany nga gipangulohan sa all-around performance sa former UCLA Bruins star Emily Bessoir kinsa nakatala og double-double stats sa 25 points ug 13 rebounds lakip ang tulo ka steals, duha ka assists, ug duha ka blocks.
Tanang quarters sa maong duwa kay gidominahan sa mga Germans diin miabot pa sa 33 puntos ang labaw. Na-outrebounded sab ang Gilas Women sa 54-26 ug na-outscored sa inside the paint sa 52-32.
Sumala pa ni Gilas Women head coach Patrick Aquino nga lisod ang ilang giatubang karon nga mga panagsangka apan proud gihapon kini siya sa iyang mga players mga mihatag sa ilang tanang kusog sa duwa.
Gipanglantawan niini nga ni mayo na ang ilang opensa ug ilang depensa ang ilang pagatrabahuon aron hingpit sa pagkuha sa ilang unang kadaugan sa torneyo.
Sa kasamtangan, adunay record nga 0 wins, 2 losses ang Gilas Women diin ang ilang unang kapildihan kay batok sa Team France.
Ang sunod nga duwa sa Gilas Women kay ang Team Nigeria nga sa bag-ohay lang napildi batok Team South Korea sa iskor nga 77-60. Gikatakda silang magtagbo karong Sabado sa alas 9 sa gabii.
