CEBU PROVINCE-Nanawagan og kooperasyon si Gobernador Gwen Garcia, ilabi na kay ang karsada sa usa ka Provincial Road, nga wala pa maangkon ang palibot nga mga propyedad.
Gidungog sa mga tag-iya ang hangyo sa gobernador ug mokooperar aron mahuman na ang 2.77-km o P9.56 milyones nga proyekto.
Dugang pa sa gobernador nga motaas ang balor sa mga pribadong lote sa lugar kung makonkreto na ang karsada tungod kay makahatag kini og mas maayo ug mas sayon ??nga paglihok alang sa mga residente ug turista.
Base sa datus sa Provincial Engineering Office, ang dalan sa Siocon sa dakbayan sa Bogo, imentinar sa Probinsya sa Sugbo.
Sumala sa Executive Order No. 180 nga nag-establisar sa Klasipikasyon sa mga Dalan ni Presidente Elpidio Quirino niadtong Septiyembre 1, 1948, ug Executive Order No. 113 ni Presidente Ramon Magsaysay niadtong Enero 1, 1955, ang mga dalan sa probinsiya adunay katungod sa pag-agi nga dili moubos sa 15 metros.
Nitambong usab sa maong tigom si Bogo Mayor Carlo Martinez, Brgy.Siocon Captain Emma Jagdon, ug mga opisyal sa Cebu Provincial Police Office.
