Gipahugtan sa gobyerno sa Pilipinas ang mga lakang sa pagpaniid ug transparency sa West Philippine Sea samtang ang mga eksperto nagpasidaan nga ang pagtukod og artipisyal nga isla sa Bajo de Masinloc o Scarborough Shoal mahimong kabahin sa dugay na nga plano sa China.
Sumala sa tigpamaba sa Philippine Coast Guard para sa West Philippine Sea nga si Rear Admiral Jay Tarriela, ang mga barko sa China nagpabilin sa lugar, uban sa mga movable floating platform, buoy ug antenna-like equipment nga gi-insister sa Beijing nga kabahin sa lehitimong marine scientific research.
Dugang ni Tarriela nga ang maritime surveillance flights ug ang pag-deploy sa mga barko sa Coast Guard nagpadayon sa pagmonitor ug pagpangutana sa presensya sa duha ka barko sa panukiduki sa China sulod sa shoal.
Diin ang transparency campaign nagtumong sa pagpahibalo sa internasyonal nga komunidad bahin sa nahitabo sa Bajo de Masinloc ug pagpugong sa bisan unsang pagsulay sa China nga magtukod og mas permanente nga presensya sa lugar.
Ingon man nga unang nipasalig si Presidente Ferdinand Marcos Jr. nga ang gobyerno dili motugot nga ang Bajo de Masinloc mahimong man-made island tungod sa kahadlok nga masubli ang gibuhat sa China sa ubang gikuwestiyon nga mga teritoryo.
