Gisaway sa North Korea ang plano ni US President Donald Trump nga magbaton og Golden Dome missile shield nga nagtumong sa pag-weaponize sa kawanangan.
Hinungdan nga nag-isyu ang North Korean Foreign Ministry sa usa ka memorandum diin gitawag ang sistema nga usa ka delikado nga inisyatibo nga nagtumong sa paghulga sa estratehikong seguridad sa mga estado sa nukleyar nga armas.
Giakusahan usab sa North Korea ang US nga desperado sa militarisasyon sa kawanangan.
Gidugang niini nga ang plano sa US nga magtukod og usa ka bag-ong sistema sa pagdepensa sa missile mao ang pagtapos sa pag-usbaw sa nuclear ug space arms race pinaagi sa pagpataas sa mga kabalaka sa seguridad sa mga nuclear weapon states ug paghimo sa outer space nga usa ka potensyal nga natad sa nuclear war field.
Gawas sa North Korea, ang China mipadayag usab og kusganong pagsupak sa plano sa Amerika ug giakusahan kini nga nakaguba sa global stability.
Kahinumduman nga gipahibalo ni Trump ang mga bag-ong detalye ug inisyal nga pondo alang sa sistema sa missile shield system kaniadtong miaging semana, nga giingon nga hinungdanon kini sa kalampusan ug pagkaluwas sa ilang nasud.
